AYOLLARDA IMPULSIV XATTI-HARAKATLARNING OLDINI OLISHDA DINIY QADRIYATLAR VA O‘Z-O‘ZINI NAZORAT QILISHNING PSIXOLOGIK AHAMIYATI

Abstract

Mazkur maqolada ayollarda impulsiv xatti-harakatlarning yuzaga kelishi va ularning oldini olishda o‘z-o‘zini nazorat qilish hamda diniy qadriyatlarning psixologik ahamiyati nazariy jihatdan tahlil qilinadi. Impulsiv xatti-harakat shaxsning vaziyatni yetarlicha tahlil qilmasdan, oqibatlarini oldindan baholamasdan yoki emotsional ta’sir ostida tezkor harakat qilishi bilan tavsiflanadi. Tadqiqotda o‘z-o‘zini nazorat qilish shaxsning hissiyotlari, ehtiyojlari, motivlari va xatti-harakatlarini maqsadga muvofiq boshqarish imkonini beruvchi muhim psixologik mexanizm sifatida ko‘rib chiqiladi. Shuningdek, diniy qadriyatlarning sabr, mas’uliyat, halollik, nafsni tiyish, o‘zini kuzatish va oqibatni anglash kabi jihatlari impulsiv xatti-harakatlarni cheklash bilan bog‘liq psixologik jarayonlar nuqtayi nazaridan tahlil qilinadi. O‘zbek olimlari E.G‘. G‘oziyev, Z.T. Nishanova, N.G. Kamilova, B.M. Umarov hamda din psixologiyasi va ma’naviy-axloqiy tarbiya yo‘nalishidagi tadqiqotlar qarashlari tahlilga jalb etiladi. Maqolada diniy qadriyatlarning psixologik profilaktika va korreksiya jarayonlarida qo‘llanish imkoniyatlari hamda bunday yondashuvda ilmiy-psixologik va diniy mazmunni farqlash zarurligi asoslab beriladi.