RAQAMLI TA’LIMDA INTEGRATIV YONDASHUV ASOSIDA KASBIY KOMPETENTLIKNI RIVOJLANTIRISH METODIK MODELI

Abstract

Mazkur maqolada raqamli ta’lim sharoitida integrativ yondashuv asosida Axborot tizimlari va texnologiyalari ta’lim yo‘nalishi talabalarining kasbiy kompetentligini rivojlantirish metodik modeli asoslangan. Tadqiqotda kasbiy kompetentlikning motivatsion- qadriyatli, kognitiv, amaliy-faoliyatli, integrativ va refleksiv komponentlari o‘zaro bog‘liq tizim sifatida qaraladi. Integrativ yondashuvning mazmuni turli kasbiy fanlardan o‘zlashtirilgan bilimlarni real va realga yaqin kasbiy vazifalarni bajarish jarayonida birlashtirish, raqamli vositalarni pedagogik maqsadga muvofiq tanlash hamda amaliy mahsulot yaratish orqali ochib berilgan. Ishda kompetensiyaviy, integrativ, tizimli, faoliyatga yo‘naltirilgan va shaxsga yo‘naltirilgan yondashuvlar metodologik asos sifatida belgilangan. Taklif etilgan metodik model maqsadli, metodologik, mazmuniy, texnologik, diagnostik va natijaviy komponentlardan tashkil topib, boshlang‘ich diagnostika, kasbiy vaziyatni yaratish, fanlararo bilimlarni faollashtirish, raqamli vositani tanlash, integrativ topshiriqni bajarish, natijani baholash va refleksiya bosqichlarini qamrab oladi. Modelning o‘ziga xos jihati raqamli texnologiyalarni mustaqil maqsad sifatida emas, balki kasbiy mazmun va faoliyat bilan integratsiyalashgan pedagogik vosita sifatida talqin qilishdan iborat. Natijada talabalarning bilimlarni kasbiy vaziyatga transfer qilish, mustaqil qaror qabul qilish, raqamli vositalardan maqsadli foydalanish va o‘z faoliyatini refleksiv tahlil qilish imkoniyatlarini rivojlantirish uchun metodik asos yaratiladi.