O’ZBEK ADABIYOTLARINI INGLIZ TILIGA TARJIMA QILISH VA NASHR ETISHDA TIL GO’ZALLIKLKARINI SAQLAB QOLISH MASALALARI

Abstract

Ushbu maqolada tarjima jarayonida asliy matndagi til go‘zalliklarini saqlab qolish masalalari o‘rganiladi. Tadqiqotda tarjima jarayonida qo‘llaniladigan turli metod va strategiyalar, xususan, ekvivalentlik, moslashtirish, uslubiy transformatsiya hamda kontekstual talqin kabi usullar orqali matnning estetik, uslubiy va badiiy xususiyatlarini qayta ifodalash imkoniyatlari tahlil qilinadi. Shuningdek, maqolada obrazli ifodalar, stilistik vositalar, frazeologik birliklar va madaniy xos elementlarning tarjimada qanday saqlanishi yoki qayta yaratilishi masalalari ham ko‘rib chiqiladi. Tadqiqot natijalariga ko‘ra, tarjimada til go‘zalligini saqlab qolish nafaqat matn mazmunini to‘g‘ri yetkazishga, balki muallif uslubi, badiiy ohang va estetik ta’sirni ham qayta yaratishga bog‘liq ekanligi aniqlanadi. Maqolada tarjimonning lingvistik bilimlari, ijodiy yondashuvi va madaniy kompetensiyasi tarjima sifatiga bevosita ta’sir ko‘rsatishi ta’kidlanadi. Natijada, badiiy tarjimada tilning go‘zalligini saqlash uchun tarjimon mazmun va badiiy ifoda o‘rtasidagi muvozanatni ta’minlashi muhimligi asoslab beriladi.