RAQAMLI MEDIA MATNLARIDA TEXNOLOGIK TERMINLARNING PRAGMATIK FUNKSIYALARI (INGLIZ VA O‘ZBEK TILLARI MISOLIDA)

Abstract

Mazkur maqolada raqamli media matnlarida qo‘llaniladigan texnologik terminlarning pragmatik funksiyalari ingliz va o‘zbek tillari misolida tahlil qilinadi. Tadqiqotda texnologik terminlarning axborot yetkazish, auditoriyaga ta’sir ko‘rsatish, ishonchlilikni oshirish va kommunikativ samaradorlikni ta’minlashdagi roli ochib beriladi. Shuningdek, ikki til doirasida terminlarning qo‘llanishidagi o‘xshash va farqli jihatlar pragmatik nuqtai nazardan yoritiladi. Tadqiqot natijalari raqamli lingvistika, media tahlil va tarjima amaliyoti uchun muhim ahamiyatga ega. Maqolada raqamli media diskursining o‘ziga xos xususiyatlari, auditoriya omili va kontekstning terminlar talqiniga ta’siri yoritiladi. Ingliz tilidagi media matnlarda texnologik terminlarning qisqa, ixcham va izohsiz qo‘llanishi ustunlik qilishi, o‘zbek tilidagi media matnlarda esa terminlarning tushuntirish va moslashtirish orqali berilishi aniqlanadi. Tadqiqot natijalari raqamli lingvistika, media pragmatikasi va qiyosiy tilshunoslik sohalari uchun nazariy va amaliy ahamiyatga ega.