INTEGRALLASHGAN RAQAMLI TA’LIM MUHITIDA O‘QITUVCHI KOMPETENTSIYALARINI RIVOJLANTIRISH MODELI

Abstract

Mazkur maqolada integrallashgan raqamli ta’lim muhitida o‘qituvchi kompetensiyalarini rivojlantirishning zamonaviy modeli ishlab chiqiladi va tahlil qilinadi. Jahon ta’lim tizimida olib borilayotgan ilmiy tadqiqotlar, raqamli transformatsiya jarayonlari hamda o‘qituvchilarning raqamli kompetensiyalarini shakllantirishga oid mavjud yondashuvlar o‘rganildi. Tadqiqot jarayonida raqamli ta’lim muhitini samarali tashkil etish, o‘qituvchilarning pedagogik, texnologik va kommunikativ kompetensiyalarini rivojlantirishga ta’sir etuvchi omillar tahlil qilindi. Tadqiqot tahliliga ko‘ra muammo sifatida raqamli savodxonlikning yetarli emasligi, ta’lim platformalaridan fragmentar foydalanish, pedagogik texnologiyalar va axborot kommunikatsiya texnologiyalari integratsiyasining sustligi aniqlanadi. Shuningdek, zamonaviy raqamli texnologiyalarni ta’lim jarayoniga integratsiya qilishda uchrayotgan muammolar ham ularni bartaraf etish yo‘llari yoritildi. Tadqiqot natijasida integrallashgan raqamli ta’lim muhitida o‘qituvchilarning kompetensiyalarini rivojlantirishga qaratilgan modelning nazariy asoslari ishlab chiqiladi va uning samaradorligini ta’minlovchi omillar aniqlandi. Taklif etilgan model ta’lim muassasalarida amaliyotga joriy etish uchun tavsiya etiladi.