INTELLEKTUAL-IJODIY KOMPETENSIYANING MAZMUN- MOHIYATINING PEDAGOGIK ASOSLARI

Abstract

Mazkur maqolada hozirgi rivojlanish davridagi talabalar Intellektual- ijodiy kompetensiyaning mazmun-mohiyatining pedagogic asoslari yoritib berilgan . Jamiyatning asosiy bo‘g‘inlaridan hisoblangan uzluksiz ta’lim tizimi turli yo‘nalishlarda jadal sur’atlarda rivojlanmoqda. Shunga ko‘ra, ta’lim natijalariga qo‘yiladigan talablar ham takomillashib zamonaviy ko‘rinish kasb etib bormoqda. Jumladan, ta’lim oluvchilarning intellektual bilimi bilan birga ularni ijodiy qo‘llashga o‘rgatishning mexanizmlari qayta ko‘rib chiqilmoqda. Intellekt ta’lim jarayonida oʻzining ijodiy ta’siri bilan jarayonni faollashtiradi. Zamonaviy ta’limga intellektual-ijodiy shaxsni shakllantirishga xizmat qiladigan taʼlim sharoitlarini yaratish vazifalari qo‘yilmoqda. Jumladan, uzluksiz ta’limda intellektual salohiyatli va ijodiy fikrlaydigan pedagog taʼlim muassasasi faoliyati muvaffaqiyatining eng muhim koʻrsatkichlari hisoblanadi. Modernizatsiya va ijtimoiy-iqtisodiy munosabatlar dinamikasi, barqaror, rivojlanayotgan ijtimoiy jamiyat yaratishga intilish oliy ta’lim muassasalari oldiga yangi talablarni quyadi. Oliy taʼlimni modernizatsiya qilish yangi maqsadlar va yangi yo‘nalishlarni belgilaydi.