OLIY TA’LIMDA RAQAMLI TEXNOLOGIYALAR VA SUN’IY INTELLEKT YORDAMIDA IJROCHILIK MAHORATINI RIVOJLANTIRISH IMKONIYATLARI

Abstract

Tadqiqotda oliy ta’limda ijrochilik mahoratini raqamli texnologiyalar va sun’iy intellekt yordamida rivojlantirish zarurati, tadqiqot ob’ekti — ijrochilik fanlari talabalari, predmeti — raqamli-SI integratsiyalashgan ta’lim mexanizmi hisoblanadi. Tadqiqot maqsadi — “Toshkent Davlat Madaniyat Instituti” misolida AI-audio-analyzer, kompyuter koʻrishi, adaptiv learning engine va o‘quv analytics modulidan foydalangan holda bosqichma-bosqich model samaradorligini aniqlash edi. Metodologiyada aralash yondashuv qo‘llanilib, 150 nafar talabaning 3 daqiqalik diagnostika ijrolari va 8 haftalik adaptiv modul natijalari kvantitativ tahlil (pre- va post-test, t-test, efekt o‘lchovlari) va yarim strukturalashtirilgan intervyular yordamida o‘rganildi. Natijalar shuni ko‘rsatdiki, eksperimental guruhda ijrochilik ko‘nikmalari o‘rtacha 27,5 % ga yaxshilandi (pre-test: M=54,3; post-test: M=83,4; t(148)=18,76; p<0,001; Cohen’s d=2,85). Real-vaqt feedback, adaptiv mashq tanlash va gamifikatsiya pedagogik usullari talabalarning motivatsiyasi va o‘z-o‘zini baholash imkoniyatini sezilarli kengaytirdi. Tadqiqot nazariy jihatdan raqamli-SI modelning multimodal, data-driven prinsiplarini mustahkamladi, amaliy jihatdan esa oliy ta’lim muassasalarida interaktiv, individual yondashuvni joriy etish bo‘yicha aniq mexanizm — “aniqlash–moslashtirish–baholash” tsiklini taklif etadi. Natijalar boshqa san’at yo‘nalishlarida sinovdan oʻtkazilib, AR/VR integratsiyasini chuqurlashtirish uchun asos bo‘lib xizmat qilishi mumkin.