INTERNETNING IJTIMOIY TARMOQLAR MULOQOTIDAGI O‘RNI

Abstract

Ushbu maqola ijtimoiy tarmoqlardagi muloqotning o‘ziga xos xususiyatlarini tadqiq qiladi. Ijtimoiy tarmoqlar muloqoti yuzma-yuz, an’anaviy yozma va boshqa internet-kommunikatsiyadagi muloqot shakllaridan farqlanadi. U yuzma-yuz muloqotdagi mimika va intonatsiya vositalari bilan cheklangan, masofadan turib tezkor va interaktiv axborot almashish imkonini beradi. An’anaviy yozma muloqotdan farqli o‘laroq, ijtimoiy tarmoqlarda nutq qisqa, tezkor va ko‘pincha norasmiy bo‘lib, foydalanuvchilar postlar, statuslar, kommentariyalar hamda hashtaglar orqali o‘z fikrlarini ifodalaydi. Shu bilan birga, boshqa internet- kommunikatsiya shakllariga nisbatan ijtimoiy tarmoqlar muloqoti auditoriya bilan doimiy interaktivlik va keng ko‘lamli fikr almashish imkonini beradi.