ZAMONAVIY LINGVISTIKA VA USLUBIY TAHLILDA PARADIGMALAR

Abstract

Mazkur maqolada zamonaviy tilshunoslik va uslubiyatni o‘qitishda nazariya va amaliyot uyg‘unligini ta’minlashning ilmiy-nazariy va amaliy jihatlari tahlil qilinadi. “O‘zbek tilining amaliy uslubiyati” fani doirasida sintaktik sinonimiyaning turlari, ularning uslubiy va kommunikativ-pragmatik xususiyatlari yoritiladi. Shuningdek, sintaktik sinonimiyaning sodda va qo‘shma gaplar, faol va majhul konstruksiyalar, nominativ va verbal qurilmalar, inversiya va ellipsis kabi turlari ilmiy jihatdan asoslanib, har biri misollar orqali tahlil qilinadi. Ushbu yondashuv til birliklarining uslubiy imkoniyatlarini kengroq ochib berishga xizmat qiladi. Shu bilan birga, ta’lim jarayonida innovatsion pedagogik texnologiyalar - Case-study, Blits-so‘rov va interaktiv taqdimotlar hamda raqamli ta’lim platformalari (Quizizz, Mentimeter)dan samarali foydalanishning afzalliklari ko‘rsatib o‘tiladi. Mazkur metodlar talabalarning mustaqil fikrlash, tahlil qilish va ijodiy yondashuv ko‘nikmalarini rivojlantirishda muhim omil sifatida baholanadi.