KOREYS VA O‘ZBEK MAQOLLARIDA AYOLLARGA OID STEREOTIPLARNING QIYOSIY TAHLILI

Abstract

Mazkur maqolada koreys va o‘zbek maqollarida ayollarga oid stereotiplarning lingvokulturologik xususiyatlari qiyosiy jihatdan tahlil qilinadi. Tadqiqotda har ikki xalq paremiologiyasida ayol obrazining ijobiy va salbiy semantik maydonlari, gender stereotiplari hamda milliy-madaniy qadriyatlar bilan bog‘liq jihatlari o‘rganilgan. Xususan, o‘zbek maqollarida ona, mehribon ayol va oila saqlovchisi obrazi ulug‘lanishi, shu bilan birga ayolning hissiyligi, ayyorligi yoki nutqiy faolligiga oid stereotiplar mavjudligi ko‘rsatib berilgan. Koreys maqollarida esa konfutsiylik falsafasi ta’sirida ayolning itoatkorligi, oilaviy sadoqati va ichki oilaviy roli ideal sifatida talqin qilinishi, ayrim maqollarda esa ayolning jamiyatdagi mavqeini cheklovchi qarashlar aks etishi aniqlangan. Tadqiqot natijalari koreys va o‘zbek maqollarida ayol konsepti patriarxal dunyoqarash asosida shakllanganini, biroq zamonaviy ijtimoiy transformatsiyalar ta’sirida ayrim stereotiplarning qayta talqin qilinayotganini ko‘rsatadi. Maqola gender stereotiplari, lingvokulturologiya va paremiologiya yo‘nalishidagi tadqiqotlar uchun muhim ilmiy manba bo‘lib xizmat qiladi.