ZAMONAVIY ARAB MATBUOTI SARLAVHALARINING LEKSIK- SEMANTIK XUSUSIYATLARI

Abstract

Maqolada zamonaviy arab matbuoti sarlavhalarining leksik- semantik xususiyatlari Al-Sharq Al-Awsat, Al-Youm va Al-Youm Al-Sabi gazetalaridan tanlangan 220 ta sarlavha asosida o‘rganildi. Tadqiqotda tavsifiy, leksik- semantik, kontekstual va miqdoriy tahlil usullaridan foydalanildi. Korpusdagi sarlavhalar mavzusiga ko‘ra guruhlanib, ulardan 20 tasi batafsil tahlil qilindi. Siyosiy, iqtisodiy, sport, madaniy va ta’limiy sarlavhalardagi terminlar, atoqli otlar, baholovchi sifatlar, son va miqdor ko‘rsatkichlari, ekspressiv fe’llar hamda ko‘chma ma’noli birikmalarning vazifasi yoritildi. Tahlil sarlavhadagi leksik tanlov mavzu bilan bevosita bog‘liqligini ko‘rsatdi: siyosiy sarlavhalarda institut va diplomatik jarayon nomlari, iqtisodiy sarlavhalarda moliyaviy terminlar va raqamlar, sport sarlavhalarida musobaqa hamda natijani bildiruvchi birliklar, madaniy va ta’limiy sarlavhalarda esa sohaga xos terminlar asosiy mazmunni shakllantiradi.