MAQOM XONANDALIGI TA’LIMIDA AUDIO-ARXIV VA FONOTEKA METODINING AHAMIYATI

Abstract

Mazkur maqolada maqom xonandaligi ta’limida audio-arxiv va fonoteka metodining ilmiy-amaliy ahamiyati tahlil qilinadi. XX asrning ikkinchi yarmidan boshlab maqom namunalarining tizimli ravishda yozib olinishi, xususan, Yunus Rajabiy boshchiligidagi maqomchilar ansambli tomonidan amalga oshirilgan plastinka yozuvlari hamda Abdurahim Hamidov tashabbusi bilan qayd etilgan cholg‘u yo‘llari va mushkilot namunalari ta’lim jarayonidagi metodik asos sifatida ko‘rib chiqiladi. Audio manbalardan nota matnlari bilan uyg‘un holda foydalanish talabalarda intonatsion aniqlik, uslubiy tafakkur va eshitish madaniyatini shakllantirishga xizmat qilishi ilmiy asosda yoritiladi. Tadqiqot natijalari audio-arxiv metodini maqom xonandaligi ta’limiga tizimli integratsiya qilish zarurligini ko‘rsatadi.