OʻZBEKISTONDA BOLALAR MUZEYINI RIVOJLANISH TARIXI

Abstract

Ushbu maqolada Oʻzbekistonda bolalar muzeylari rivojlanishining zamonaviy bosqichi O‘zbekistondagi Islom sivilizatsiyasi markazi tarkibida tashkil etilgan interaktiv bolalar muzeyi misolida tahlil qilinadi. Tadqiqotda muzeyning ekspozitsion tuzilishi, interaktiv taʼlim muhiti va muzey pedagogikasi tamoyillari zamonaviy muzeyshunoslik nuqtai nazaridan ko‘rib chiqiladi. Xususan, interaktiv eksponatlar tizimi, STEM taʼlimi elementlari, sunʼiy intellekt va raqamli texnologiyalarning ekspozitsiyada qoʻllanilishi kompleks o‘rganiladi. Markaz bolalar muzeyi faoliyati AQSH, Buyuk Britaniya va boshqa mamlakatlardagi zamonaviy bolalar muzeylari tajribasi bilan qiyoslanib, uning oʻziga xos konseptual xususiyatlari hamda milliy model sifatidagi afzalliklari aniqlanadi. Shuningdek, maqolada Markaz bolalar muzeyi Oʻzbekistonda bolalar muzeylari rivojlanishining yangi bosqichini boshlab bergani, tarix, ilm-fan va zamonaviy axborot-kommunikatsiya texnologiyalarini yagona ekspozitsion tizimda integratsiyalash orqali milliy muzeyshunoslikda yangi konseptual modelni shakllantirayotgani ilmiy jihatdan asoslanadi. Tadqiqot natijalari Oʻzbekistonda bolalar muzeylarini rivojlantirish, muzey pedagogikasi metodologiyasini takomillashtirish, interaktiv ekspozitsiyalarni loyihalash hamda tarixiy-madaniy merosni yosh avlodga yetkazishning zamonaviy mexanizmlarini ishlab chiqishda nazariy va amaliy ahamiyat kasb etadi.