YANGI O‘ZBEKISTON TARIXI SHAROITIDA MA’NAVIYAT MASALASI

Abstract

Ushbu maqolada Yangi O‘zbekiston tarixi sharoitida ma’naviyat masalasining ijtimoiy-tarixiy mazmuni, uning davlat va jamiyat taraqqiyotidagi o‘rni hamda ma’naviy-ma’rifiy siyosatning asosiy yo‘nalishlari tahlil qilinadi. Maqolada 2017-yildan keyingi davrda ma’naviyat va ma’rifat sohasida amalga oshirilgan institutsional va normativ o‘zgarishlar, 2021-yildagi ma’naviy-ma’rifiy ishlar tizimini takomillashtirishga oid qaror, 2022–2026-yillarga mo‘ljallangan Yangi O‘zbekistonning taraqqiyot strategiyasi hamda 2023-yilda yangi tahrirda qabul qilingan O‘zbekiston Respublikasi Konstitutsiyasidagi ma’naviy-madaniy qadriyatlar bilan bog‘liq normalar o‘rganildi. Yangi O‘zbekiston sharoitida ma’naviyat masalasi faqat tarbiyaviy yo‘nalish bilan chegaralanmay, inson qadri, tarixiy xotira, milliy va umuminsoniy qadriyatlar, ta’lim, madaniyat, fuqarolik mas’uliyati va ijtimoiy birdamlik bilan uzviy bog‘liq kompleks hodisa sifatida namoyon bo‘layotgani aniqlandi.